Léttari heimur með íslensku áli
Árs- og sjálfbærniskýrsla
Árs- og sjálfbærniskýrsla Norðuráls fyrir árið 2024 er komin út. Norðurál er eitt stærsta iðnfyrirtæki landsins, einn stærsti vinnustaðurinn og einn af stærstu kaupendum íslenskrar raforku. Kjarninn í sjálfbærnistefnu Norðuráls miðar að því að skapa efnahagsleg verðmæti á sjálfbæran og ábyrgan hátt til framtíðar, og haga starfsemi okkar þannig að við hámörkum jákvæð áhrif á samfélagið.
Saman í átt að sjálfbærni
Norðurál vinnur nú að samstarfsverkefni með Stúdentaráði Háskóla Íslands sem við hvetjum nærumhverfi okkar og samstarfsaðila til að taka þátt í. Verkefnið ber heitið „Stúdentar taka til“ og er markmið þess að stuðla að sjálfbærni í íslensku atvinnulífi. Laufið er framkvæmdaaðili verkefnisins og er leiðandi í þróun á hugbúnaði sem auðveldar fyrirtækjum að innleiða sjálfbærni í daglegan rekstur með hagnýtri fræðslu og verkfærum. Við bjóðum samstarfsaðilum okkar, sem og öllum fyrirtækjum á Akranesi og í Hvalfjarðarsveit, tveggja mánaða ókeypis aðgang að sjálfbærnihugbúnaði Laufsins.
Lykiltölur og ársreikningur
Hlutfall Norðuráls af heildar útflutningsverðmætum Íslands voru 11,4% árið 2024.
Við framleiddum 308.335 tonn af áli en til þess notuðum við um 540 MW af raforku. Fjöldi stöðugilda var 645.
Hægt er að kynna sér lykiltölur og ársreikning með því að smella á hlekkinn hér að neðan.
Sjálfbærni- og samfélagsábyrgð
Hjá Norðuráli er lögð áhersla á virðingu fyrir mannréttindum, samfélagi og umhverfi. Stöðugt er unnið að því að halda umhverfisáhrifum af starfseminni í lágmarki og nýta vel orku og hráefni. Öryggi, heilbrigði og vellíðan starfsfólks er í fyrirrúmi. Lögð er áhersla á jafnan rétt starfsfólks til starfsframa, launa og réttinda, óháð kynferði, kynhneigð, trúarbrögðum eða uppruna. Við leitumst við að hafa hvetjandi áhrif á alla virðiskeðju okkar og leggjum áherslu á að innkaup séu unnin af heilindum og í samræmi við gildi fyrirtækisins.
Á Grundartanga frá 1997
Norðurál á Grundartanga er í hópi stærstu álvera Evrópu, með rúmlega 300.000 tonna ársframleiðslu og um 600 manns að störfum.
- 2014 Framleiðsluaukning með straumhækkun undirbúin og framleiðsla á melmi hefst. Mercedes-Benz notar ál frá Norðuáli í C-Class bílinn sem er næstum 50% úr áli.
- 2015 Norðurál undirritar Parísarsáttmálann og skuldbindur sig til að draga úr losun gróðurhúsalofttegunda og minnka myndun úrgangs.
- 2016 Flokkun á lífrænum úrgangi hafin í mötuneyti, en þar eru um 110 þúsund máltíðir snæddar ár hvert. Græn stæði tekin í notkun.
- 2017 Um 317.000 tonn af áli og álblöndum framleidd. Starfsmenn eru um 600.
- 2018 Átaksverkefnið "Öll saman" hefst, þar sem minnt er á að öryggi er samstarfsverkefni allra starfsmanna.
- 2019 Norðurál hlýtur alþjóðlega ASI vottun um umhverfisvæna og ábyrga framleiðslu, sem og Jafnlaunavottun með gullmerki PwC.
- 2020 Norðurál setur á markað vörulínuna Natur-Al™ sem hefur eitt lægsta kolefnisfótspor sem völ er á í heiminum.
- 2021 Gengið frá sölusamningi um Natur‐Al™ til austurríska fyrirtækisins HAI. Um er að ræða fyrsta langtímasamning um grænt ál, á heimsvísu.
- 2022 Norðurál er valið Umhverfisfyrirtæki ársins af Samtökum Atvinnulífsins.
- 2023 Markmið um 40% samdrátt í losun gróðurhúsalofttegunda í loftslagáætlun Norðuráls er náð. Stefnt er að enn frekari árangri og markið sett á 55% samdrátt árið 2030.
- 2024 Ný framleiðslulína álstanga (e.billets) gangsett. Línan skilar verðmætari og umhverfisvænni afurð.